ॐ नमः शिवाय!!
आपल्या हिंदू शास्त्र शिवपुराणा अनुसार भारत वर्षा मध्ये 12 ज्योतिर्लिंग वर्णिले आहेत. या तीर्थक्षेत्रांना भेट देताना निसर्गाने भरभरुन वरदान दिले आहेत. कुठे जंगल, कुठे उंच उंच डोंगर यांनी हे सर्व क्षेत्र नटलेले आहे. त्यात परळी वैजनाथ(5), भीमाशंकर(6), नागेश्वर औंढा नागनाथ(8), त्र्यंबकेश्वर(10), घृष्णेश्वर(12) हे महाराष्ट्रात आहेत.
प्रत्येकाच्या पाठीमागे एक उद्बोधक कथा आहे जी या पवित्र तीर्थस्थानांना भेट देताना मंत्रमुग्ध करणारे जंगल आणि धबधब्यांमधून प्रवास करताना तुम्हाला आनंद देईल.
भारतात सर्वात जास्त पूजला जाणारा देव म्हणजे महादेव.
नागेशं म्हणजेच श्री औंढा नागनाथ, दारूकावने. औंढा नागनाथ म्हणजेच नागेश्वर आठव्या स्थानावरील नागेशं दारूकावन तीर्थक्षेत्र असून महाराष्ट्राच्या मराठवाडा क्षेत्रात हेमाड पंथी पद्धतीच हे सुंदर नक्षीकाम असलेले भव्य दिव्य मंदिर असून हे शिवलिंग हरिहरात्मक पद्धतीचं आहे.
या क्षेत्राचा वारकरी संप्रदायाशी खूप जवळचा संबंध येतो. संतश्रेष्ठ श्री नामदेव महाराज यांना याच ठिकाणी गुरु विसोबा खेचरांकडून गुरु मंत्रपदेश प्राप्त झाला आहे आणि त्यांच्याच भक्तीने मंदिर फिरल्याची अख्यायिका जोडली गेली आहे.
"फिरविले देऊळ जगा माजी ख्याती, नामदेवा हाती दूध प्याला"
अधिक माहिती...
श्री नागनाथ संस्थान च्या दर्शनास येणाऱ्या भाविकांना त्यांच्या किमान गरजा राहण्याची सोय, पिण्याचे पाणी, धार्मिक विधी इ. साठी काही प्रमाणात सोयी उपलब्ध करून देण्यात आलेले आहे.
राहण्याची सोय: देवस्थान समितीने भाविकानसाठी भरलेल्या संकुलनात राहण्याची सोय गेली आहे या संकुलनात एक मोठा हॉल, 13 खोल्या स्वतंत्र स्नानगृह व शौचालय बांधली असून त्यासाठी नाममात्र शुल्क आकारले जाते.
याशिवाय मंदिराच्या आवारात दोन मोठे सभामंडपाची सोय केलेली आहे. मंदिराच्या प्रांगणात पिण्याच्या पाण्याची व्यवस्था स्वतंत्र कुप नलिकेद्वारे द्वारे मोठे जलकुंभ उभारून केली आहे.
परगावाहून आलेल्या भाविकांसाठी सकाळी 11 ते दुपारी 4 या वेळेत प्रत्येकी नाममात्र शुल्क घेऊन भोजनाची सोय केलेली आहे.